Nagkedked ni Senate President Chiz Escudero nga agkomento mainaig iti mabukbukel a kudeta idiay Senado kontra kenkuana.
Iti maysa a waragwag ket agparparang nga adda iti bukbuklen a kudeta ti liderato ti Senado nu sadinno ket ni Senador Cynthia Villar iti sumukat, ngem pinagkedkedan metlaeng daitoy ti Senadora.
Segun kenni Escudero, saan nga agkomkomento suna kadagiti banag a maibasar laeng iti tsismis.
Kinunana a kas iti kadawyan na nga ibagbaga, agtalinaed a tsismis daitoy a damag agingga saan pay a napasamak.
Innayon pay ti Senate President a nakapokus laeng isuna ti trabaho, kasta met iti intero a Senado.
