BR LA UNION – Arestado iti 24-anyos a lalaki idiay Bauang, La Union a maibilang a Top 3 Regional Most Wanted Person.
Ti panangarestar ti Bauang Municipal Police Station iti suspek idi kalman, Marso 3 ket maiyannurot iti warrant of arrest nga impaulog ti korte, gaputi kaso nga statutory rape; panaglabsing iti Section 4 (D) ti RA 11930 wenno Anti-Online Sexual Abuse or Exploitation of Children (OSAEC) ken Anti-Child Sexual Abuse or Exploitation Materials (CSAEM Act); Violation iti Section 5 (1) ti RA 9262 wenno Anti-Violence Against Women and Their Children Act of 2004 (recommended bailbond – PhP 120,000.00) ken Violation iti Section 10 (A) ti RA 7610 wenno Special Protection of Children Against Abuse, Exploitation and Discrimination Act (recommended bailbond – PhP 120,000.00 bail).
Iti naipaulog nga arrest warrants kadagiti nasao a kaso ti suspek ket napetsaan ti February 20, 2025 nga inyisyu ti Presiding Judge iti Family Court Branch II idiay Bauang, La Union.
Iti suspek ket adda itan iti kustodiya ti Bauang MPS para iti umno a disposisyon.
