Impasiguro ni National Security Council (NSC) Spokesperson Jonathan Malaya a dimmalan ti due process amin a Chinese nga naarestar ditoy Pilipinas a naakusaran ti panag-espiya.
Segun kenni Malaya, amin a naarestar a Chinese ket maikkan ti gundaway a maipresenta dagiti depensa da iti korte.
Adda sadiayen korte kunana ti kaso dagitoy ken amin a karbengan da ket marespeto kas iti panagbisita ti consular officials da, legal representation, ken dadduma pay.
Paset met daitoy ti kaadda ti Pilipinas ti demokratiko a wagas ti gobierno, maisupadi ti komunista a liderato ti China.
Maipalagip iti immun-una a waragawag ni Chinese Foreign Ministry Spokesperson Guo Jiakun a binabalaw na ti Pilipinas gapo ta kunana ket aramid laeng amin a kaso ti panag-espiya kontra kadagiti naarestar a Chinese nationals ditoy kadagiti napalpalabas a bulan.
Segun iti Chinese official, awan ti nalawag nga ebidensiya maibusor kadagiti kailian da ken arig na saan a nasalakniban dagiti Chinese nga adda ditoy pagilian.
Ngem segun kenni Malaya, opisyalen a nakaipila ti Department of Justice ti kaso kontra kadagiti naarestar a Chinese a naakusaran iti panagespiya ken sigurado metten a maipaasyan ida ti umdas a gundaway tapno sungbatan dagiti sangsangwen da nga alegasyon.
Kinunana nga agbalin dagiti korte ditoy Pilipinas ken raraemen da amin a karbengan dagiti akusado kasaruno iti panagproseso kadagiti kaso da.
