BR LA UNION – Inarestar dagti otoridad idiay Taal, Batangas iti lalaki a nangiserrek ti motorsiklo na iti uneg ti simbaan.
Naireklamo iti suspek babaen iti liderato ti Taal Basilica gapu iti maipagarop nga inaramid na a panangdis-respeto ti simbaan.
Kalpasan a naiserrek na ti motorsiklo ket nagtugaw iti altar iti suspek ken nangparnuay ti ariwawa.
Karaman nga im-imbestigaran dagiti otoridad iti kadwa ti suspek a babae ngem dagus a pimmanaw idi naiserrek na ti motorsiklo iti uneg ti simbaan.
Agtultuloy ti panangduktal dagiti otoridad iti posible a motibo ti suspek.
