Pormalen a nagsapata iti sangwanan ti Supreme Court Chief Justice dagiti dua a baro a dutok nga hukom ti Court of Appeals (CA) nga isuda Associate Justices Edilwasif T. Baddiri ken Jeoffre Willkom Acebido.
Ditoy ket nagsapata da sadiay Korte Suprema, ciudad ti Maynila kalpasan a mailasin kas kabaroan nga hukom ti nasao a korte dii pay Pebrero 24, 2025.
Iti panagtugaw ni Justice Baddiri, sinukatan na iti puesto ni retired CA Justice Edwin D. Sorsogon.
Sakbay a nagbalin a baro nga hukom iti Court of Appeals, ni Justice Baddiri ket nagbalin a Presiding ken Executive Judge ti Regional Trial Court idiay Pasay ken nagserbi pay kas Commissioner ti National Commission on Muslim Filipinos.
Kabayatanna, sukatan met ni Justice Acebido ni retired CA Justice Victoria Isabel Paredes iti pannakadutok na.
