BR LA UNION – Nakatuding nga agluas agturong idiay Vatican dagiti tallo a Pilipino a cardinal tapno makipaset iti panagpili ti sumaruno a Santo Papa, kasaruno ti ipupusay ni Pope Francis.
Pakaibilangan ditoy da Luis Antonio Cardinal Tagle; Catholic Bishops Conference of the Philippines (CBCP) president ken Caloocan City Archbishop Pablo Virgilio Cardinal David; ken Manila Archbishop Jose Cardinal Advincula.
Malaksid iti panagpili ti sumaruno a Santo Papa, manamnama a makipaset pay dagiti tallo a Filipino cardinals iti funeral ti pimmusay a Santo Papa.
Iti maysa a mensahe manipud CBCP, naipaganetget a ti panagbiyahe dagiti Filipino cardinals agturong idiay Rome ket mangipakita ti commitment tapno raemen ken ipateg iti legasiya ni Pope Francis.
Maipagarop a mangipakita daytoy iti panangitandudo ti solemn ceremonies idiay Vatican.
Malaksid nga agbotos dagiti tallo, mabalin a mapili ti siasinuman kadakuada a sumaruno nga agbalin a kangatuan a lider iti Catholic faith.
Amin dagiti tallo a Filipino Catholic leaders ket dinutukan ni Pope Francis tapno agbalin a paset iti Sacred College of Cardinals.
