Dumanonen ti 74 dagiti kandidato manipud kadagiti nagduduma a posisyon ti pagsungsungbaten ita ti Commission on Elections (COMELEC) gapo ti alegasyon ti vote-buying.
Babaen ti dokumento a pinermaan ni Committee on Kontra Bigay head Teopisto Elnas Jr, adda aganay 19 a lokal nga kandidato a karaman ti vote buying ken abuse of state resources (ASR).
Mangidadaulo ti listaan dagiti agassawa a Marikina Rep. Stella Quimbo nga agkankandidato kas mayor ken ti asawa na a ni sigud a Rep. Romeo Quimbo nga agkankandidato kas 2nd Dist. Rep. ti Marikina.
Karaman pay kadagiti naireklamo ni Manila Mayor Honey Lacuna-Pangan nu sadino ket pinaglibakan na ti alegasyon ken kinunana a nakasagana isuna a depensaan ti bagbagi na iti COMELEC.
Sumagmamano pay kadagiti mapapati a nangaramat ti vote buying ken abuse of state resources ket isuda: Denver Christopher Chua, tumartaray kas mayor ti Cavite City; Marvin Venus ti Baras, Rizal; Ruben Talon, Butch Suspeñe, ken Zake Derequito ti Dumangas, Iloilo; Cagayan province gubernatorial candidate Zarah Rose Lara; Allan Martines de Leon ken Kristofer Charles Esguerra ti Taytay, Rizal; Mauban, Quezon mayoral candidate Erwin Pastrana; Rhapsody Miguel Riveral ti Cuartero, Capiz; Winfred Rivera ti Kamalayan Party-list; Jeren Jude Bacas ken Rolen Paulino Jr. ti Olongapo City; Danilo Fernandez ti Laguna province, ken Romulo Avila nga agkankandidato kina bise mayor ti Quezon Province.
