BR LA UNION – Agummong dagiti cardinal ti Simbaan Katolika iti maysa a sikreto a conclave mangrugi inton Mayo 7 tapno pilyen ti sumaruno a Santo Papa, segun iti maysa a nangato nga opisyal ti Vatican ita nga aldaw ti Lunes, Abril 28.
Napagnumwan iti petsa iti maysa a closed-door a panagtataripnong dagiti cardinal idiay Vatican, nga umuna a panagummong sipud naitabon ni Pope Francis idi Sabado.
Namnamaen iti opisyal nga anunsyo iti sumaganad nga aldaw.
Adda pakabuklan a 135 cardinal manipud naduma-duma a paset ti lubong, amin ket adda iti sidong ti edad 80, nga addaan karbengan nga agbotos iti conclave tapno mangdutok ti baro a lider ti Simbaan Katolika nga addaan ti 1.4 bilyon a miyembro iti intero a lubong.
Iti naudi a dua a conclave idi 2005 ken 2013 ket nagpaut laeng ti dua nga aldaw.
