BR LA UNION – Immandar ni Department of Transportation (DOTr) Secretary Vince Dizon iti Land Transportation Franchising and Regulatory Board a suspindiren amin a unit ti Solid North Transit Inc., kasaruno ti napasamak a panagdidinnungpar dagiti 4 a behikulo a gapwanan ti dimmungpar a solid north bus idi huwebes, Mayo uno, idiay Subic-Clark-Tarlac Expressway wenno SCTEX idiay Tarlac a nakatayan ti 12 a tattao.
Manipud iti 15 a bus unit ti solid north transit a nasuspinde ti 30 nga aldaw iti operasyon na, aganay 270 a bus ti nasao a kompanya iti karaman a nasuspinde.
Agtutuon a criminal charges iti sangsangwen ita ti Solid North Transit ken ti bus driver a pakaibilangan ti reckless imprudence resulting in multiple homicides, multiple physical injuries, ken multiple damage to property.
Kabayatanna, immandar metten ti LTFRB iti Passenger Accident Management and Insurance Agency (PAMI) nga iproseso iti insurance claims dagiti biktima ti nasao nga aksidente.
Segun kenni LTFRB Chairperson Atty. Teofilo Guadiz III, P400,000 ti maited a tulong pinansiyal iti pamilya ti tunggal natay a pasahero, bayat nga agingga P200,000 para kadagiti nasugatan iti aksidente.
Umabot ti 12 a tattao a pakaibilangan ti innem nga ubbing iti natay bayat a 27 dagiti nasugatan ken nakarwaren iti ospital.
