Nangrugin idi Mayo 3 ti full alert status ti Philippine National Police (PNP) kas panagsagana inton Mayo 12 wenno aldaw ti Midterm elections.
Segun kenni PNP chief Rommel Marbil, nawarasen iti ground dagiti kameng da. Binilin nan iti kapulisan a paingeten ti panagbantay tapno masiguro ti kinatalged ti panagbobotos.
Dumanon ti nasurok 120K ti naideploy tapno agbantay kadagiti 37K voting centers ti intero a Pilipinas.
Nagpanawagan met ni Marbil iti publiko a makikoordinay iti hanay da tapno matiliw ti siasinoman a manggulo iti napateg nga aldaw.
