Sinentensyaan ti Sandiganbayan ti nasurok sangagasut a tawen a pannakaibalud ni sigud a Philippine Amusement and Gaming Corporation (PAGCOR) Chairman Efraim Genuino ken uppat a dadduma pay gapo ti kaso a multiple counts ti graft ken malversation of public funds nga adda pakainaigan na ti panaggastar ti P187.7 milyon a pondo ti PAGCOR.
Nupay kasta, saan met a kabaelan ti graft court a maipatungpal ti sentensya agsipud ta 40 a tawen laeng ti maximum period a pannakaibalud ditoy Pilipinas kas maibasar metten ti Article 70 ti Revised Penal Code.
Idi Marso 2023, ni Genuino ken dagiti sigud nga opisyales ket sinentensyaan metlaeng ti Sandiganbayan ti sangapulo a tawen a pannakaibalud gapo ti maanomalya a fund disbursements nga aggatad ti P37-M.
Mainayon iti dayta ket diskwalipikadon ni Genuino nga agtrabaho ti aniaman a posisyon ti gobierno.
