Inaprobaran ti Department of Budget and Management (DBM) ti P2-K across the board nga umento iti honoraria dagiti mannursuro ken poll workers nga agserbi inton aldaw ti Lunes, Mayo 12 wenno 2025 midterm elections.
Kinuna ni DBM Secretary Amenah Pangandaman a daitoy ket maiyannurot ti direktiba ni Presidente Ferdinand Marcos Junior.
Ti baro nga honoraria rates para kadagiti agserbi nga electoral board chairperson ken dumanonen ti P12-K manipud ti sigud a P10-K.
Makaawat met ti poll clerk ken 3rd member ti P11-K honoraria manipud ti sigud a P9-K bayat a dagiti support staffs ket makaawat ti P8-K manipud ti sigud a P6-K.
Segun iti ahensiya, nangitukon da ti P7.4-B iti 2025 General Appropriations Act (GAA) para iti pasuweldo kadagiti poll workers.
Maibasar met ti datos ti Commission on Elections (Comelec), imbatad ti DBM nga adda pakabuklan 758,549 a bilang dagiti poll workers para ti national and local elections.
Paregtaen ita ni Secretary Pangandaman iti poll body a siguraduen a maawat dagiti mannursuro ken poll workers dagiti naituding a kompensasyon da iti kabiitan a panawen.
