Nangipadanon ti kablaaw dagiti nagduduma a world leaders iti panangabak ni Cardinal Robert Provest a baro a Santo Papa kas Pope Leo XIV.
Kaadwa kadakuada ket kayat a makatrabaho ni Cardinal Robert Provest kadagiti karit a sangsanguen ti lubong.
Nangidaulo ni US President Donald Trump ti panagkablaaw ken kinunana a pakasaritaan ti pannakapili ni Cardinal Prevost agsipud ta isuna ti umuna nga American Pope, nupay maikadua kuma ta kontinente metlaeng ti Amerikas ti nagtaudan ni Pope Francis.
Ti napagkadwa met a panagkablaaw da European Council President António Costa ken European Commission President Ursula von der Leyen ket agtalek da nga usaren ti Santo Papa ti boses na tapno pagmaymaysaen dagiti pagilian.
Kabayatanna, kiniddaw met ni Russian President Vladimir Putin a maaddaan ti nasalun-at a pammagbagi ti baro a Santo Papa.
Maipalagip nga agarop alas-12:05 ti agsapa ti Biernes, oras ditoy Pilipinas idi rimuar ti puraw nga asok ti chimneya ti Sistine chapel, kayat a satwen ket adda ti nabotosanen a Santo Papa dagiti 133 a Cardinals.
Kalpasan ti maysa oras ket nagparang iti balkonahe ti Saint Peter’s Square Basilica ni Cardinal Protodeacon Dominique Mamberti tapno iyanunsyo nga adda ti napili a baro nga Bishop of Rome.
Sumagmamano pay a minutos ket rimuaren ni Pope Leo XIV ket nagririyawen dagiti agur-uray a tattao nu sino iti mabotosan a Santo Papa.
Immuna na nga inyebkas kas Santo Papa iti panagkablaaw a kadagiti tattao. Iti panagbetla na ket kinablaawan na iti pimmusay a ni Pope Francis ken pinaregta na iti publiko a laglagipen ti naaramidan na ti lubong. Pinagyamanan na pay dagiti pada na cardinal a nagbotos kenkuana.
Kalpasan ti panagsao na ti Italian ket insaruno na met iti Spanish ken kinunana a nakasagana isuna a mangaramid ti dalan para iti nalawlawa a pannakiuman tapno magun-od ti kinakapia.
