BR LA UNION – Kalpasan ti naballigi ken historiko a conclave, nagkita manen da Pope Leo XIV ken Cardinal Luis Antonio Tagle idiay Vatican.
Pribado ti panagkita dagiti dua, segun kenni Cardinal Tagle.
Kinunana nga ibilangna ni Pope Leo XIV a “missionary shepherd” gapu iti nauneg a pammatina ken saan nga agkupas a misyon na iti Simbaan Katolika.
Inbinglay pay ni Cardinal Tagle iti maysa nga interbyu, iti spiritual experience ti naisayangkat a napnuan pakasaritaan a Conclave.
Kinunana a nagbalin a napartak iti panagpili dagiti Cardinal ti baro a Sto Papa iti kinatao ni Cardinal Robert Francis Prevost, nga isuna ti kaabay a mismo ni Cardinal Tagle iti Sistine Chapel.
Inbinglay na pay ti simple a panagbiag ni Pope Leo XIV, ken iti kinapakumbaba na.
Kinunana pay a nauneg ti pammati ni Pope Leo XIV ket namnamaen ni Cardinal Tagle nga ituloy ti baro a Sto Papa ti narugyan ti pimmusay a ni Pope Francis.
