BR LA UNION – Maibilang a ballaygi ken naannayas iti panaglukat ti klase ti amin a public schools ditoy siyudad ken intero a probinsiya ti La Union idi kalman para iti SY 2025-2026.
Segun kenni Dr. Sheila Marie A. Primicias, agdama nga Schools Division Superintendent iti Schools Division Office – City of San Fernando, La Union nagbalin a posible iti naannayas a panaglukat ti klase babaen ti tulong ken presensya ti pulisya ken dagiti barangay a timmulong tapno agbalin a natalged ken natalna ti a panageskuwela.
Kabayatanna, inlawlawag ni Dr. Primicias a ti No Backpack Policy ket maipatungpal laeng ditoy siyudad ti San Fernando.
Maibasar iti nasao a polisiya, iti bag pack dagiti estudyante ket maibati wenno agtalinaed iti uneg ti classroom ket agserbi daytoy a locker dagiti agad-adal.
Nairanta daytoy tapno saan a marigatan dagiti estudyante ken guardians dagitoy nga agawit ti nadagsen a bag iti tiyempo ti dismissal wenno panagawid.
Nupay kasta, optional daytoy, depende kunana iti nagannak nu suruten da ti No Backpack Policy.
