BR LA UNION – Natiliw iti maysa a lalaki idiay Brgy. Marcos, Rosario La Union agarop alas 4:10 ti malem idi Hunyo 16, 2025.
Maibasar iti police report, nabigbig ti suspek iti nagan a Ronel Alibno, agtawen ti 41, addaan asawa, self employed ken residente ti Brgy. Central Diwang, La Trinidad, Benguet.
Inarestar iti nagtipon a puwersa ti Municipal Environment and Natural Resources Office ( MENRO) ken kameng ti Rosario Police Station, iti suspek gapu iti panaglabsing ti Municipal Ordinance No. 001-2011 wenno illegal logging.
Nakumpiskar iti suspek iti Acacia Lumber Materials nga agbalor ti P22, 500.
Maibasar iti report, napaay iti suspek a mangipakita ti permit wenno legal authorization for cutting trees a nakaigapwan iti pannakatiliw na.
Kabayatanna, dagiti nakumpiskar a kayo ket adda itan iti kustodiya ti Municipal Environment and Natural Resources Office ( MENRO) para ti umno a disposisyon.
