BR LA UNION – Dismayado ni Presidente Ferdinand Marcos Jr. iti K-12 program ti Department of Education.
Kinuna na a kas iti dadduma a mammanday linteg, iti nasao a K-12 ket maysa laeng a padagsen kadagiti nagannak nga agpapa-adal.
Impaganetget ti Presidente a malaksid iti dua a kanayunan a tawen a panagadal, kanayunan pay a gastos dagiti nagannak iti pannagatang ti arwaten iti panagiskuwela, tuition fee, allowances, ken dadduma pay.
Kinuna ti Presidente nga awan ti makita na nga advantage agsipudta saan met a makastrek iti stable a trabaho dagiti agturpos ti K-12.
Maipalagip nga adu a senador ti agpan-panawagan a rumbeng a naan-anayen nga ikkaten iti K-12 program a naipatungpal idi 2013.
