BR LA UNION – Sinungbatan ti Department of Agriculture–Bureau of Fisheries and Aquatic Resources (DA-BFAR) iti report seknan iti panagadu ti tinfoil barb (wenno maaw-awagan nga alien fish) idiay Laguna de Bay, maibasar iti kauddian a sightings ken field reports.
Iti maysa nga statement, imbaga ti ahensya a nainget ti panang-monitor da iti presensya dagiti nasao nga invasive a lames iti aglawlaw ti dan-aw.
Malaksid dayta, imbaga pay ti DA-BFAR nga agtultuloy ti pannaki-koordinar da kadagiti lokal a gobyerno ken iti Laguna Lake Development Authority (LLDA).
Segun iti DA-BFAR, napateg iti ar-aramiden da a koordinasyon tapno masiguro ti problema ken dagus a masungbatan iti epekto ti species kadagiti residente ken recursos naturales iti nasao a kadanuman.
Karaman iti addang ti agtultuloy a panangamiris, panangipatungpal iti mitigation strategies, ken panang-determina ti nagtaudan dagiti tinfoil barb.
Kabayatanna, nu mapaneknekan ket maka-apektar ti nasao nga species iti balanse ti ecology ken agbalin a taraon na dagiti native fish,
Mangiyuswat ti BFAR kadagiti programa kas iti pananglaban dagiti invasive species para idiay Laguna de Bay.
