Nakasagana a tumulong iti National Bureau of Investigation (NBI) iti Philippine National Police (PNP) para iti madagdagos a panakabirok dagiti mapukpukaw a sabungero.
Segun kenni NBI Director Jaime Santiago, adda dagiti forensic experts a mabalin da nga ipatulod iti PNP.
Impaganetget na a tumultulong da kadagiti otoridad ken dagiti sumagmamano nga ahensia tapno napartak iti panakabirok dagiti mapukpukaw a sabungero.
Maipalagip nga imbutaktak iti sigud nga agbanbantay ti pallotan a naibelleng sadiay Taal Lake dagiti mapukpukaw a sabungero ken itudtudo na kas mastermind iti negosyante a ni Charlie ‘Atong’ Ang.#
