Nakaituding nga i-export ti pagilian a Japan dagiti innem a warships ditoy Pilipinas.
Maibasar iti maisa a report, nagtulag iti pagilian ken iti Japan nga i-export dagiti innem nga alikamen ti Abukuma-class destroyer escorts ti Japan Maritime Self Defense Force nga adda iti serbisyo iti uneg ti nasurok 30 a tawen ken nakomisyon manipud idi 1989 agingana 1993.
Naipadamag babaen iti naipablaak nga artikulo a kinumpirma da Japan Defense Minister Gen Nakatani ken Philippine Defense Minister Gilberto Teodoro iti impormasyon maipapan iti panangexport kadagiti used escort shops iti naisayangkat a panagtataripnong idiay Singapore idi Hunyo.
Nakailanad pay iti nasao a publication a maibasar kadagiti sources ket nakaituding nga i-inspeksion ti Philippine military iti Abukuma class destroyer escorts ita a summer idiay Japan partikular dagiti main guns ken dadduma pay nga equipments kasta met dagiti maintenance status ti warships. Kalpasanna ket maisayangkat iti pinal a panagsagana sakbay daitoy a maiexport.
Panggep daitoy nga eksportasyon a mapasayaat pay iti interoperatibility pakairamanan iti militar ti pagilian ken agkadua a papigsaen iti deterrence ken response capabilities kontra iti China nga addaan ti maritime dispute iti pagilian.
Ti Abukuma-class destroyer escort ket bassit a klase ti destroyer nga addaan ti 2,000-ton standard displacement, nga imanmanehar dagiti agarop 120 crews, armado daitoy ti anti-submarine ken anti-ship missiles, torpedo tubes ken guns. #
