Nagsaritan ni Bise Presidente Sara Duterte mainaig iti isyu ti panangilako ti balay ni sigud a Presidente Rodrigo Duterte idiay Davao.
Iti maisa nga interview iti Bise Presidente idiay The Hague, Netherlands, kenunana a mabalin a legal nga ilako ti common-law partner ti sigud a Presidente a ni Honeylet Avanceña iti Davao property ni Duterte idiay Doña Luisa Village, Barangay Matina.
Innayon pay ti Bise, iti share laeng ni Avanceña iti mabalin na nga ilako ken saan nga iti sibubukel a property, agsipudta co-ownership iti estado ti nasao a balay.
Isu ta nakadependir iti amana ken ni Avanceña no anya iti agbalin nga arrangement wenno katulagan.
Iti sabaliu a bangir, maseknan met ni Bise Presidente Sara Duterte no sadino iti pagnaedan ti amana no kaspangarigan malako iti nasao a balay.
Kabayatanna, sinegundaan ti Bise iti waragawag ti kabsatna a ni Congressman Paolo Duterte a mabalin nga agtalinaed iti sigud a Presidente iti balay ti ina na ken sigud nga asawana a ni Elizabeth Zimmerman.
Iti agdama, nakadetine iti Scheveningen Prison idiay The Hague iti sigud a Presidente gapo iti sangsangwen na a crimes against humanity gapo kadagiti napasamak a pammapatay iti sidong ti war on drugs.#
