Nag-apela manen ti Pilipinas idiay babaen ti Department of Foreign Affairs (DFA) a suroten da ti siyam a tawenen a 2016 Arbitral ruling.
Ti panawagan ni Foreign Affairs Secretary Theresa Lazaro ket maysa nga aldaw sakbay ti anibersaryo iti ruling ti The Hague tribunal idi Hulyo 12, 2016 a nagwaswas iti nalawa a panagtagikua ti China iti mapagsusupiatan a kabaybayan.
Iti video message na ti maysa a forum a naorgaisar para iti panaglaglagip ti naisangsangayan a balligi ti Pilipinas ket kinuna ti sekretarya nga agtultuloy da a padpadasen ken daddadaelen ti kina-lehitimo ti ruling a mangisagsagmak met ti maritime interest ti pagilian iti peggad ken uray ti panagrang-ay iti rehion.
Inawagan ti baro nga DFA chief iti ruling kas cornerstone ti maritime policy ti Pilipinas, karaman iti 1982 UN Convention on the Law of the Sea (UNCLOS) kasta met a nagsapata isuna a bantayan na daitoy babaen iti liderato na.
Inlatag ti sekretarya dagiti uppat a “dynamics” para ti maritime statecraft pakairamanan ti panangidatag ti alyansa kakadwa dagiti “like-minded nations” ken panagtalinaed a silulukat iti linya ti komunikasyon idiay China ken dadduma pay nga ASEAN states a pada a claimant.
Mainayon iti dayta ket ti panagsurot ti rules-based order ken panagitandudo ti arbitral award babaen ti diplomasiya.
Kinunana pay nga agtultuloy latta iti Pilipinas kadagiti dayalogo ken konsultasyon idiay China laksid iti tensiyon a nakaro a nakaapektar ti bilateral relationship ti dua a pagilian.
