Ngimmato ti 7.2% iti year-on-year inflation idi bulan ti Abril manipud ti 4.1% idi Marso, gapo paylaeng iti panagngato iti sangalubongan a presyo ti langis a rason met iti umento ti gastos para ti taraon ken enerhiya.
Naartapan pay daitoy a datos iti immun-unan a forecast ti Bangko Sentral ng Pilipinas (BSP) a 5.6% agingga 6.4%.
Manipud Enero agingga Abril, 3.9% iti average inflation, nasurok 3% target; Para kadagiti kababaan a 30% a sangkabalayan ket ngimmato daitoy iti 8.5% manipud ti 4.2%.
Ngimmato pay iti presyo ti bagas ken lames, agraman ti transportasyon ken kuryente gapo ta nangatngaton ti gastos iti langis ken generation charges.
Para ti month-on-month basis, ngimmato manen iti 3% ti inflation manipud ti sigud a 1.6%, bayat a ti core inflation ket ngimmato iti 3.9% manipud iti sigud a 3.2%.
Impaganetget ti BSP nga agtultuloy ti ar-aramiden da nga addang tapno maipasubli ti inflation iti 3% target.
