Impadamag ti United Nations Human Rights Office a segun iti datos agingga Hulyo 7 ket dumanonen ti 798 ti pimmusay kadagiti lugar a pangiwarwarasan da ti tulong kasta met ti aglawlaw dagiti humanitarian convoys idiay Gaza.
Segun iti pannakangiwat ti UN Human Rights Office a ni Ravina Shamdasani, 615 ti pimmusay asideg ti site ti Gaza Humanitarian Foundation (GHF) bayat a 183 met dagiti natay iti ruta a pagdaldalanan dagiti aid convoys.
Maysa iti Gaza Humanitarian Foundation nga organisasyo a suportado ti Estados Unidos ken Israel. Mangar-aramat daitoy iti private American security ken logistics firms tapno iserrek ti tulong idiay Gaza a kadawyan ket saanen a dumaldalan pay iti UN-led aid system.
Binabalaw daitoy iti United Nations nga inwagan da kas “inherently unsafe” ken mailabsing ti prinsipyo ti humanitarian impartiality.
Manipud pay idi ngudo ti bulan ti Mayo ket nangrugin a mangiwaras ti taraon ti organisasyon idiay Gaza ken pinaglibakan ti aniaman a kapada nga insidente kadagiti sites da.
