Pinasingkedan ti National Bureau of Investigation (NBI) a tugma ti fingerprint a naala da iti water bottle ti uneg ti lugan ti napapatay a TNVS driver a ni Raymond Cabrera ti maysa kadagiti tallo a suspek a ni Jin Armin De Ocampo.
Maibasar ti autopsiya, dua a daras a panagbagsol iti makinkannigid a barukong ti nakatayan ni Cabrera idi Mayo.
Maipalagip met a boluntaryo a nag-surrender dagiti tallo a suspek kenni Manila Mayor Isko Moreno idi Hulyo 10 ken dagos dagitoy a naiturong idiay NBI. Kalpasanna ket intudo da kadagiti otoridad ti pakasarakan ti bangkay ti pinatay da a driver.
Kinuna ni Atty. Joseph Martin ng NBI a ginandat pay dagiti suspek nga i-hijack ti TNVS vehicle ken usaren daitoy tapno mangala pay ti baro a pasahero a biktimaen da ngem saan dan nga intuloy pay gapo ta napatay da iti driver na.
Segun met kenni Dr. Romel Papa ti NBI Forensic Division, insayangkat da ti DNA analysis iti uneg ti lugan ken kadagiti kabagian ni Cabrera ken nagparang a 99.99% a nag-match dagitoy.
Imbatad ni NBI spokesperson Ferdinand Lavin a nangrugin ti preliminary investigation mainaig ti kaso a robbery with homicide para kadagiti suspek.
