BR LA UNION – Insuko ti social media influencer a ni Cherry White iti drivers license na iti Land Transportation Office.
Kasaruno daytoy iti panangipataw ti LTO ti 90 day suspension ken panangikabil nga ‘alarm’ iti lugan ni White kalpasan a nakita nga agman-maneho a nakangato ti maysa a saka na.
Segun kenni LTO Executive Director Greg Pua Jr, a kimmiddawen iti dispensar ni White ken nakasaganan daytoy a makitinnulong iti imbestigasyon da.
Inlawlawag ni White a nasurok tallo a bulan nan a naipost ti video iti Instagram na, ngem maipagarop nga in-repost daytoy ti sumagmamano a netizens isunga nag-viral.
Pinawaywayan ti LTO ni White ti agingga Lunes tapno makapagsumite ti dokumentos ti lugan nga inusar na iti viral video.
