Imbatad ni Senador Sherwin Gatchalian a pakapakaroen laeng dagiti nagraira nga online lending apps iti online gambling ditoy Pilipinas.
Segun iti senador, adon nga indibidiwal iti nairurumen iti online gambling a gungundawayan paylaeng dagiti online lending apps.
Kinunana a ti nadagsen ken masansan a panagabuso a kondisyon ti pautang dagiti online lending apps ti rason nu apay ta lalo pay nga agrigrigat ti Pilipino a na-adiken iti online gambling.
Gapo kadagitoy a klase ti panangabuso ket nakarkaro da pay a maisagmak iti saan a malmalpas a panag-utang tapno laeng adda iti maisugal.
Innayon pay ni Senador Gatchalian a ti saan a nainkalintegan ken kakastoy a makadadael a wagas ket makanayon iti nadagsen nga emosyonal ken mental a kasasaad dagiti Pilipino a marigrigatanen a makaruar iti lubong ti online gambling.
