BR LA UNION – Napatay ti US military iti senior ISIS leader a ni Dhiya’ Zawba Muslih al-Hardani iti insayangkat a raid idiay Al Bab, Syria idi Biyernes, Hulyo 25.
Karaman pay a natay iti opersyon dagiti dua nga ISIS-affiliated sons nga isuda Abdallah Dhiya al-Hardani ken Abdal-Rahman Dhiya Zawba al-Hardani .
Segun iti US Central Command (Centcom) forces, pangta dagiti nasao a miyembro ken lider ti ISIS iti US ken iti Coalition Forces kasta metten iti baro a gobyerno ti Syria.
Inlawlawag met ti US military a dagiti tallo a babbai ken tallo nga ubbing a target ket saan a nasaktan iti operasyon.
Segun kenni US Centcom Gen. Michael Erik Kurilla, itultuloy da iti panangsapol kadagiti terorista nga ISIS sadinuman a lugar ti paglem-lemmengan dagitoy.
Naisayangkat ti raid, sumagmamano a lawas kalpasan nga imbaga ti Trump administration a winaswas na iti panang-classify iti Hay’at Tahrir al-Sham (HTS) kas foreign terrorist organization.
Ti nasao a grupo ket indaulwan idi ti interim president ti Syria.
