Saan a bumaba ti 14 nga indibidwal iti naireport a natay wenno mapukpukaw gapo iti nakaro a panaglayos ti Dien Bien idiay Vietnam, segun iti report ti state media ita nga aldaw.
Nangrugi iti panaglayos idi kalman ti rabii kalpasan iti sumagmamano nga oras ti napigsa a panagtudo a nagrason ti panangato ti danom kadagiti karayan, flash floods, ken landslide kadagiti paset ti nasao a probinsya.
Nakaro a natamaan iti syudad ti Xa Dung ken maysa a tao iti kumpirmado a natay ken innem dagiti mapukpukaw.
Segun iti lokal a gobierno, awan pay ti linya ti kuryente iti probinsya ken nakasirra dagiti kalsada nga agturong kadagiti sumagmamano a lugar gapo kadagiti panaglayos.
Kabayatanna, naireport met a dua nga ubbing iti natabunan ti nagreggaay a daga iti Hang Pu Xi village.###
