BR LA UNION – Inikkat ti Manila Police District iti atap a bomba iti makagapo ti panagbettak asideg iti riles ti PNR idiay Tayuman St. Tondo, Manila idi malem ti Domingo, Agosto 3.
Segun kenni Police Lt. Col. Gilbert Cruz, commander ti Manila Police District station 2, maibasar iti inisyal nga imbestigasyon, ti panagbettak ket manipud iti maysa nga air compressor.
Duk-duktalen da nu anya a klase ti air compressor iti bimtak.
Iti inisyal nga imbestigasyon, agarop alas-2 pasado ti malem idi kellaat nga adda napasamak a panagbettak iti nasao a lugar, a nakasugatan ti uppat a tattao.
