Impasigurado iti liderato ti Kamara a saan da nga agdumog ken agulimek laengen iti nagbalin a desisyon ti Korte Suprema nga ideklara kas unconstitutional iti impeachment complaint nga impila da kontra kenni Bise Presidente Sara Duterte.
Iti nagbalin a mensahe ni House Speaker Ferdinand Martin Romualdez, imbinglay na iti panangipila da ti motion for reconsideration iti desisyon ti Supreme Court a mangkidkiddaw iti panangbaliw ti Korte iti nasao a deklarasyon.
Impaganetget ni Romualdez, biddut iti nagbalin a panagbasa ti kinapudno iti Korte Suprema ken daytoy ket maisupadi iti Konstitusyon ti Pilipinas.
Iti nasao nga aksyon ket saan a maikontra kadagiti dadduma a konstitusyon no di ket panangilaban iti karbengad ti umili a pagsungbaten dagiti opisyal ti gobierno.
Sumursurot laeng iti Kamara iti nakailanan iti Konstitusyon partikular iti panangpaneknek ken panagendorso ti reklamo kontra iti maikadua a Presidente.#
