Nangipatulod ti Philippine Navy ti Naval Task Group 80.5 sakay iti BRP Antonio Luna (FF151) nga agturong idiay Malaysia para kadagiti dua a dadakkel a naval exercises.
Indauloan ni Major General Edwin Amadar, Vice Commander ken Acting Flag Officer in Command ti PN iti send-off ceremony idi kallabes nga aldaw idiay Naval Operating Base Subic, Zambales
Umuna a makipaset ti PN contingent iti 3rd ASEAN Multilateral Naval Exercise (AMNEX) manipud Agosto 15 agingga 22 idiay Penang Island, Malaysia, kasaruno iti ASEAN Fleet Review.
Panggep daitoy a papigsaen pay ti panagkakadwa ken kooperasyon dagiti navies ti ASEAN babaen kadagiti harbor activities ken at-sea exercises tapno masungbatan dagiti karit ti maritime security.
Kasaruno na ket makisalip pay dagiti tropa iti 25th Maritime Training Activity MALPHI LAUT 2025, maysa a bilateral exercise kabinnulig ti Royal Malaysian Navy manipud met Agosto 25 agingga 29.
Daitoy ngaensayo ket pasayaaten na pay iti koordinasyon seknan ti seguridad iti baybay babaen ti joint planning, navigation, ken tactical engagements.
Kinuna ni Amadar a pammaneknek iti daitoy a panagsali ti panagtignay ti Philippine Navy iti panangpapigsa ti regional maritime cooperation ken panangpatalinaed ti kinakapia ken seguridad iti rehiyon.
