BR LA UNION – Bimuwelta iti Malacañang ti inaramid a panangdepensa ni Vice President Sara Duterte iti masansan a panagbiyahe na iti sabali a pagilian.
Daytoy ket kalpasan nga imbaga ti Bise Presidente a maipagarop a kaadwan a Filipino communities a nagturonganna ket madis-dismaya iti kasasaad ti pagilian.
Segun met kenni Palace Press Officer Undersecretary Atty. Claire Castro, sigurado a madismaya dagiti Pinoy iti sabali a pagilian agsipudta makomikom ti Presidente iti pagilian nga agtrab-trabaho ken mangas-asikaso kadagiti problema ti pagilian.
Bayat nga iti Bise Presidente ken masansan ti panagbiyahe na iti ballasiw taaw.
Innayon pay ni Castro, a saan a sungbat ti biyahe iti sabali a pagilian tapno marisot dagiti problema.
Kinuna ni Castro a saan a trabaho ti Bise Presidente ti agbiyahe ken kangrunaanna, awan ti nakailanad iti konstitusyon a rumbeng nga agbiyahe daytoy tapno dadaelen wenno padaksen iti presidente.
Maipalagip nga inwaragawag ni VP Duterte a ti panag- biyahe na iti sabali a pagilian ket maigapo ta adu kadagiti OFWs iti maipagarop a madis-dismaya iti kasasaad ti pagilian ken tapno bisitaen ti ama na a ni sigud a President Rodrigo Duterte.
