Binabalaw ni Senador Alan Peter Cayetano iti Department of Public Work and Highways iti saan a panangisayangkat ti preventive suspension dagiti opisyal a karaman kadagiti “ghost” flood control projects.
Iti panagdingeg ti Senate Blue Ribbon Committe, impaganetget ni Cayetano nga umdasen iti paper trail ken dagiti litrato manipud kadagiti kontratista tapno maamuan dagiti agsungbat.
Imballaag na a no saan a masuspendir a dagos dagiti posible a mangak-akkob, adda pay ti panawen da a dadaelen ken pukawen iti ebidensya.
Addaen ti sistema iti dokumentasyon ken quality assurance manipud district agingana regional offices isuta dumandanon dagiti completion reports agingana undersecretary.
