Impasigurado ti Bureau of Internal Revenue a kamaten da dagiti amin a binilyon a gatad ti buwis a saan a nabayadan manipud kadagiti smuggled vape products.
Nangipila metten iti ahensia ti kaso a tax evasion kontra kadagiti pito pulo ket lima nga indibidual ken negosyo a karaman iti ilegal a panaglakuan ti vape products ditoy Pilpinas.
Maibasar iti datos, dumanon ti P711.13 million iti pakabuklan a tax liability dagiti natiliw manipud kadagiti naarestar nga agilaklako ti saan a rehistrado ken smuggled a vape kadagiti dadduma a lugar ditoy pagilian.
Malaksid iti daytoy ket nangipila pay iti BIR babaen ti panangidaulo ni Commissioner Romero Lumagui Jr. dagiti kaso seknan iti willful failure to pay tax, peke a BIR receipts, ken panaglabsing ti Excise Tax Law.
Nagballaag ni Commissioner Lumagui iti panaggatang ken panagusar dagiti ilegal a vape products a mangipaay peggad iti salun-at. Pagsungbaten met ti ahensia dagiti amin a karaman iti ilegal a vape ken ghost receipts a mangpalpalugi iti buwis.###
