Inaprobran ti Israel Defense Minister iti plano a tagikuaen iti Gaza city, ken pinalubusan dagiti agarop 60,000 a reservist a mangisayangkat ti nasao a plano.
Daytoy a panagdurdur-as ket mangpangato iti pressure kadagiti Hamas, karaman iti Qatar a mangur-uray ti sungbat ti Israel para iti baro a singasing mainaig ti ceasefire.
Iti framework nga inapobaran ti Hamas ket mangisingsingasing ti innem a pulo nga aldaw a kinakappia, sinublat a panagsinnukat ti kautibo, panangruk-at kadagiti sumagmamano a Palestinian prisoners, ken probisyon a mangpalpalubos ti panagserrek dagiti tulong idiay Gaza.
Nupay adda ti singasing seknan iti ceasefire dagiti dua a pagilian, agtaltalinaed a prayoridad ti Security Cabinet ti Israel iti panangtagikua iti Gaza City. Banag a nangipangato ti panagdanag gaputi ngumatngato a humanitarian crisis.###
