BR LA UNION – Naipasidong iti siyudad ti Manila iti “Blue Alert” status nangrugi idi kalman, Agosto 26, kas paset iti panagsagana iti posible nga epekto ti Southwest Monsoon wenno Habagat, ken pap-papigsaen ita ti Low Pressure Area (LPA), segun iti Manila Public Information Office.
Maibasar iti report ti state weather bureau, namnamaen ita nga aldaw ti Miyerkules, Agosto 27, iti nakapsot agingga kalalainganna, a nu maminsan ket napigsa a panagtudo iti naduma-duma a paset ti Manila.
Ti nasao nga alert status ket maiyannurot iti direktiba ni Manila Mayor Isko Moreno tapno siguradwen a nakasagana ti siyudad iti panawen ti panagtutudo.
Nabalakadan iti publiko nga agbalin nga alerto ken nakasagana nangruna kadagiti lugar nga asideg iti kabaybayan ken karayan gapu iti posibilidad a panaglayos.
