Indanon ni Presidente Ferdinand Marcos Jr. iti napalaos unay a panagyaman na iti gobierno ti United Arab Emirates (UAE) para iti agtultuloy a suportada ken panangsalimetmet iti pagsayaatan dagiti Overseas Filipino Workers (OFW) iti nasao a pagilian, ken iti panangibilang iti Pilipinas kas kadua kadagiti programa nga agpada nga adda ti pakabenepisyaran na.
Naragsak a inawat ti Presidente ni Abdullah Nasser Mohamad Lootah, iti Deputy Minister of Cabinet Affairs for Competitiveness and Experience Exchange ti United Arab Emirates, iti maysa a courtesy call ti Palasto idi kalman.
Iti nasao a panagsarungkar ket paset ti Philippines and UAE Government Experience Exchange Forum a naangay manipud Setyembre 16 agingana 18 nga inorganisa ti Department of Budget and Management ken ti UAE Ministry of Cabinet Affairs.
Panggep ti forum a papigsaen iti kabaelan dagiti kameng ti gobierno babaen ti panangibinglay dagiti ammo, kapadasan, ken dagiti kasayaatan nga addang nga agturong iti kabaruan ken epektibo a gobierno.
Kabayatanna, inwaragawag ni Deputy Minister Lootah iti natibker a tarigagay ti UAE a papigsaen iti bilateral relations iti nagbaetan ti Pilipinas ken United Arab Emirates, ken impaganetget iti kinapateg ti kooperasyon dagiti dua a pagilian.###
