Iti kangitingitan ti nalawa a tignay-protesta idiay Edsa Shrine ken Luneta Park, impaganetget ni Department of Public Works and Highways (DPWH) Secretary Vince Dizon iti bilin ni Presidente Ferdinand Marcos Jr. nga “ibusen ken pagsungbaten” dagiti amin a karaman iti korapsion ditoy pagilian.
Nagtaud dagiti protesta iti isyu dagiti maanomalya a substandard flood control projects a maipagarop a pakairamramanan dagiti sumagmamano a korap nga opisyal ti DPWH, dagiti contractors, ken mismo a manmanday-linteg.
Segun kenni Dizon, saan nga agsardeng iti ahensya agingana saan a matungpal iti direktiba ti Presidente.
Nagtignayen iti DPWH kas maitunos iti pammilin ti Presidente, nangipila dan ti tallo a kaso iti Ombudsman, 26 nga indibidualen iti nakasuan, tallo nga opisyal iti nadismiss, bayat a 17 pay dagiti nasuspendir ken nakatuding a maikkat iti serbisyo kadagiti sumarsaruno nga aldaw.###
