BR LA UNION – Umaboten iti 2,461 dagiti nailista nga aftershocks, kalpasan ti magnitude 6.9 a gingined idiay Cebu.
Maibasar iti datus ti Phivolcs, aganay 498 kadagiti panagdayyeg ti plotted wenno na-detect ti dua wenno nasursurok a pasilidad.
Bayat a 13 dagiti napipigsa a narikna dagiti residente.
Dagiti aftershocks a nailista ket manipud 1.0 agingga 5.0 magnitude.
Namnamaen nga agtultuloy pay dagiti panagdayyeg agingga iti sumarsaruno a bulan.
Nadetermina a narabaw ti nagtaudan iti Offshore Cebu earthquake isunga narikna iti adu a lugar.
Malaksid idiay Visayas, dimmanon pay ti panagdayyeg iti Luzon, partikular idiay Albay, Sorsogon ken Camarines Sur.
