BR LA UNION – Impaganetget ni Presidente Ferdinand “Bongbong” Marcos Jr. a rumbeng a siguradwen ti gobyerno a nairut ti kaso kontra kadagiti maatap a karaman iti korapsyon ken adda natibker nga ebidensiya tapno mapasungbat dagiti “guilty.”
Waragawag daytoy ti Presidente iti maysa a teaser ti sumaruno a podcast na.
Imballaag pay ti Presidente iti panangipila ti nakapuy a kaso nga awan ti nalawg nga ebidensiya, gaputa mangigubway daytoy ti dak-dakes a resulta.
Imbaga ti Presidente, nu maiyapura ti kaso, kurang iti ebidensiya, nakapsut pay, napilit, iti resulta na dayta ket maabak iti kaso.
Impaganetget ni Marcos a rumbeng a suruten ti gobyerno iti linteg iti panang-kamat kadagiti corrupt officials tapno agbalin a lehitimo ti sungsungbatan.
Iti waragawag ti Presidente ket kagiddan ti agtultuloy nga imbestigasyon ti Independent Commission for Infrastructure kadagiti anomalya iti flood control ken dadduma pay nga infrastructure projects iti napalabas a dekada.
