BR LA UNION – Adda iti kabaybayan idiay Sabtang, Batanes ti Tropical Storm Salome, kabuyog ti kapigsa ti angin nga 65 km/h ken kapegges a dumanon ti 90km/h.
Dupdupagen na iti abagatan abagatan-a- palaud a direksyon iti kapartak a 20km/h.
Kabayatanna, maibasar iti Tropical Cyclone Bulletin #7:
Tropical Cyclone Wind Signal no. 2 idiay
- Batanes
Tropical Cyclone Wind Signal no. 1 idiay
- Western portion of Babuyan Islands (Calayan Is., Dalupiri Is., Babuyan Is.)
- Northwestern portion of Ilocos Norte (Bangui, Pagudpud, Burgos, Pasuquin, Bacarra, Laoag City)
Maibasar iti forecast ti PAGASA, umas-asideg pay ti bagyo SALOME idiay Batanes ken agtultuloy nga agturong iti abagatan-a-palaud gaputi puwersa ti High-Pressure Area manipud mainland China.
Ti nasao a weather disturbance ti mangpapa-asideg ti Tropical Storm Salome idiay Babuyan Islands ita a bigat ken idiay Ilocos Norte inton aldaw wenno malem.
Nupay kasta, namnamaen a kumapsot ti bagyo SALOME iti tropical depression iti sumaganad a 12 nga oras agingga nga agbalin-to laengen a remnant low sakbay a rumwar iti PAR inton rabii wenno nasapa a bigat, Oktubre 24, 2025.
Kabayatanna, makapadas latta met dagiti dadduma a paset ti pagilian kas ti agapaman agingga nalulem a tangatang ken panagarbis wenno panaggaruod dagiti lugar idiay Mindanao, Negros Island Region, ken Palawan gaputi ITCZ , kasta met ti mapadasan dagiti lugar idiay Bicol Region, Eastern Visayas, Isabela, Aurora, Quezon, Metro Manila ken nabatbat a paset ti pagilian, nga igubuay met ti Easterlies, ken Localized Thunderstorms.
