BR LA UNION – Indeklara ti Department of Education (DepEd) iti Oktubre 27 aginggang 30, 2025 kas Mid-School Year Wellness Break para kadagiti public school learners ken teachers manipud Kinder agingga Grade 12.
Maiyannurot daytoy iti School Calendar ti DepEd iti sidong ti DepEd Order No. 12, s. 2025.
Iti anunsiyo nga inaramid ni DepEd Secretary Sonny Angara ket panagtungpal iti nagbalin a direktiba ni President Ferdinand Marcos Jr. nga i-prioritize iti well-being wenno pagsayaatan dagiti teachers ken learners, nangruna kadagiti naapektaran ti naglabas a kalamidad ken flu outbreaks.
Al-allokoyen ti DepEd dagiti pagadalan a palubosan ken ikkan ti gundaway dagiti mangisursuro a maaddaan ti recovery time ken mabalin nga itantan wenno ire-schedule dagiti nakatuding nga In-Service Training (INSET) kalpasan ti wellness break.
Dagiti eskuwelaan ken schools divisions a nagbayaden ti INSET venues ken taraon ket mabalin da a baliwan ti iskedyul.
Iti INSET wenno In-Service Training, ket maysa a professional development program a nadisenyo tapno tulongan dagiti teachers ken school leaders a manayunan ken mapabaknang iti ammo dagitoy, kapadasan kenwagas ti panagisuro.
Ag-resume ti klase iti pampubliko a pagadalan inton Nobyembre 3, 2025 kalpasan ti All Saints’ Day and All Souls’ Day holidays.
Para kadagiti private schools, iti schedule ti wellness break ket depende iti desisyon ti school’s management.
