Imapela ti Department of Labor and Employment (DOLE) kadagiti employers nga aprobaran iti leave request dagiti empleyado kagiddan ti Undas break.
Segun kenni DOLE Secretary Bienvenido Laguesma, maibilang daytoy kas pabor para ti well-being dagiti empleyado ken tapno makaawid da a nasapa kadagiti probinsya kangrunaan no aggapo da pay iti National Capital Region (NCR).
Impaganetget met ti ahensia a napateg daytoy a gundaway tapno maaddaan da ti napaut nga oras tapno makadua iti pamilya ken masarungkaran dagiti tanem ti nagannak, anak, wenno asideg a kabagian nga immunan a napan ti nagkaysa a biag.
Sumagmamano nga aldaw sakbay daytoy ket nangiruar ti alagaden iti DOLE para iti umno a pasueldo para kadagiti mangmangged a sumrek inton Oktubre 31, Nobiembre 1, ken Nobiembre 2.###
