BR LA UNION – Umabot iti 39 a probinsiya ti namnamaen a direkta a maapektaran iti panagduprak ti Typhoon Tino ditoy pagilian.
Maibasar iti impormasyon nga inruar ti Department of the Interior and Local Government – Central Office Disaster Information Coordinating Center (DILG-CODIX), dagiti nasao a probinsya ket manamnama a makapadas ti agsasaruno a panagtudo ken napipigsa nga angin a kabuyog ti bagyo.
Dagiti kabilang a probinsya ket dagiti sumaganad:
🔴 Alert Level Charlie (Red): Aklan, Antique, Bohol, Capiz, Cebu, Dinagat Islands, Eastern Samar, Guimaras, Iloilo, Leyte, Negros Occidental, Negros Oriental, Palawan, Samar, Southern Leyte, ken Surigao del Norte. Dagiti nasao a probinsya ket sakop ti 120-kilometro a diameter ti bagyo.
🟠 Alert Level Bravo (Orange): Agusan del Norte, Biliran, Masbate, Occidental Mindoro, Oriental Mindoro, Romblon, ken Surigao del Sur.
🟡 Alert Level Alpha (Yellow): Dagitoy dagiti probinsya nga adda iti uneg ti 550-kilometro a diameter ti bagyo: Agusan del Sur, Albay, Batangas, Bukidnon, Camarines Sur, Camiguin, Cavite, Laguna, Marinduque, Misamis Occidental, Misamis Oriental, Northern Samar, Quezon, Siquijor, Sorsogon, ken Zamboanga del Norte.
Naudi a nasaripatpatan ti sentro ti Typhoon Tino iti kaadayu a 285 kilometro daya ti Abagatan-a-Daya ti Guiuan, Eastern Samar.
Kabuyog ti angin a 120 kilometro kada oras ken kapegges a dumanon iti 150 km/h.
Umabot ti 25 kilometro kada oras ti kapaspas na nga agturong iti laud abagatan-a-palaud.
Namnamaen nga ag-landfall idiay abagatan ti Eastern Samar, Leyte, Southern Leyte, wenno Dinagat Islands inton tengnga ti rabii wenno nasapa inton bigat (November 4).
Saan nga ipa-igid ti state weather bureau a PAGASA a pumigsa pay ti bagyo agingga Super Typhoon ken Signal No. 4 ti mabalin a kangatuan a ballaag ti bagyo.
