BR LA UNION – Tinumba ti napigsa nga angin ken tudo a gapwanan ti bagyo Tino dagiti lima a transmission line idiay Eastern Visayas ken CARAGA, segun iti National Grid Corporation of the Philippines (NGCP).
Gaputi dayta, apektado dagiti linya ti kuryente idiay Leyte, Southern Leyte, ken CARAGA, kabilang idiay Maasin-Baybay, Ormoc-San Isidro, Ormoc-Baybay, Maasin-San Isidro, ken Placer-Madrid 69kV lines.
Napukaw iti supply ti kuryente iti sumagmamano a lugar a sakop ti Leyte Electric Cooperative (LEYECO), Don Orestes Romualdez Electric Cooperative (DORELCO), Southern Leyte Electric Cooperative (SOLECO), Surigao del Norte Electric Cooperative (SURNECO), Siargao Electric Cooperative (SIARELCO), ken Surigao del Sur II Electric Cooperative (SURSECO II)
Saan met nga operational iti 138kV ken 350kV line, segun iti NGCP.
Mangisay-sayangkat itan ti patrol ken restoration works dagiti linemen kadagiti lugar a madanon da.
Inlawlawag ti NGCP, iti power outage ket gapwanan ti pannakadadael dagiti transmission wenno distribution facilities, ken am-amwen dagiti electric cooperative dagiti eksakto a lugar nga apektado.
