BR LA UNION – Immandar ti Department of Energy (DOE) iti power industry nga agsalimetmet ken imanehar a nasayaat iti suplay ti langis tapno masiguro nga agtultuloy ti suplay ti kuryente ken maliklikan ti kellaat a panagngato ti presyo.
Daytoy ket kasaruno ti deklarasyon ni President Ferdinand Marcos Jr. nga state of national energy emergency.
Iti impaulog na nga abiso, nagpanawagan ti ahensiya para iti panagipatulod ti indigenous sources ken coal-fired power plants tapno masubbot ti panagngato ti presyo iti Wholesale Electricity Spot Market ti agingga P2 kada kilowatt-hour (kWh).
Segun kenni Energy Secretary Sharon Garin, kas net importer ti langis, coal ken liquefied natural gas (LNG), agtigtignay da a naannad tapno mapreserba ti panagdependar iti power system iti tengnga ti kumarkaru a karit iti sangalubongan a merkado ti langis.
Nabilin pay dagiti kompaniya nga agsapol ti alternatibo a fuel tapno suportaran ti panang-palag-an ti gastos kas ti mas ad-adu a biodiesel a mailalaok iti oil-based plants ken coal blending.
