Ipadpadaras ti Department of Agriculture (DA) iti panangipaay ti tulong ken farm inputs para kadagiti mannalon ken mangngalap a napalaos a dinuprak ti bagyong Tino ken Uwan.
Kasaruno daytoy iti nagbalin a pammilin ni Agriculture Secretary Francisco Tiu Laurel Jr. kadagiti field office ti ahensya, kasaruno ti panagkalikagum ti ahensia a nasapa a makabangon dagiti mannalon.
Impasigurado ti sekretario nga adda iti insagana ti ahensia a post-typhoon assistance para kadagiti mannalon ken mangngalap, bayat nga agtultuloy iti assessment ken validation kadagiti epekto ti kalamidad.
Segun kenni Laurel, nangilatang ti Philippine Crop Insurance Corp. ti P251 million tapno bayadan dagiti mannalon a naka-insure kadagiti talon da.
Inactivate met ti DA iti Quick Response Fund ken Survival and Recovery Loan Program, malaksid iti diaya a pautang ti Survival and Recovery (SURE) Program.
Nagkari met ti Department of Budget and Management a mangiruar ti P1 billion tapno nayunan iti QRF ti DA.#
