Dumanonen ti 102 iti bilang dagiti pimmusay ken mapukpukaw gapo ti nakaro a panaglayos iti central ken central highlands regions idiay Vietnam.
Maibasar iti report manipud ti Department of Dyke Management and Disaster Prevention, 90 dagiti nakumpirma a pimmusay ken 12 dagiti mapukpukaw.
Manipud ti nasao a bilang, nakailista iti Dak Lak Province ti kangatuan a casualties a 63 a dagiti pimmusay ken walo dagiti mapukpukaw; idiay Khanh Hoa, 14 dagiti pimmusay ken dua a mapupukaw; Lam Dong, lima a pimmusay; ken sumagmamano a casualties idiay Quang Tri, Thua Thien Hue, Danang, ken Gia Lai.
Agtultuloy iti nakaro a panagtudo idiay Hue, Danang ken eastern Quang Ngai Province manipud Nobiembre 23 aginggana Nobiember 25 kas maibasar iti forecast.
Nakaro met a nadadael dagiti 1,154 a pagtaengan ken 825 kadagitoy ket idiay Lam Dong.
Pakabuklan nga 185,733 dagiti nalayos a babbalay pakairamanan ti agarop 150,000 idiay Dak Lak.
