BR LA UNION – Agtultuloy a pumig-pigsa ti bagyo Verbena bayat nga umas-asideg idiay rehiyon ti Caraga.
Segun iti PAGASA, ti sentro ti bagyo ket naudi a nasaripapatan iti kaadayu a 205 kilometro iti daya-abagatan a daya idiay Surigao City, Surigao del Norte.
Kabuyog na ti angin nga 45 kilometro kada oras asideg ti sentro ken kapegges nga agingga 55 kilometro kada oras.
Agturturong ti bagyo Verbena iti laud iti kapartak a 15 kilometro kada oras.
Nalawa ti sakopen ti napigsa nga angin nga agingga 200 kilometro manipud iti sentro ti bagyo.
Iti Tropical Cyclone Wind Signal (TCWS) No. 1 ket nakaibayog iti sumagmamano a lugar iti Luzon, Visayas, ken Mindanao.
LUZON:
Occidental Mindoro, Oriental Mindoro, Romblon, the northern portion of Palawan (Araceli, Taytay, El Nido, Dumaran, Roxas, San Vicente) including Calamian, Cuyo, and Cagayancillo Islands, and mainland Masbate Balud, Mandaon, Milagros, Cawayan, Placer, Pio V. Corpuz, Esperanza, Uson, Dimasalang, City of Masbate, Mobo, Palanas, Aroroy, Cataingan, Baleno)
VISAYAS:
Antique, Aklan, Capiz, Iloilo, Guimaras, Negros Occidental, Negros Oriental, Siquijor, Cebu, Bohol, Samar, Eastern Samar, Biliran, Leyte, and Southern Leyte
MINDANAO:
Dinagat Islands, Surigao del Norte, the northern portion of Surigao del Sur (Carrascal, Cantilan, Madrid, Carmen, Lanuza, Cortes, San Miguel, City of Tandag, Tago, Bayabas, Cagwait, Marihatag, Lianga, Barobo, San Agustin), Agusan del Norte, the northern portion of Agusan del Sur (Sibagat, Prosperidad, City of Bayugan, Esperanza), Camiguin, the eastern portion of Misamis Oriental (Magsaysay, Gingoog City, Medina, Talisayan, Balingoan, Kinoguitan, Binuangan, Sugbongcogon, Salay, Lagonglong, Balingasag, Claveria, Jasaan)
Iti track forecast, bumallasiw ti bagyo VERBENA iti central portion ti pagilian partikular idiay Northern MIMAROPA (Mindoro, Marinduque, Romblon, and Palawan) ita nga aldaw, November 24, 2025, agingga agsapa ti Miyerkoles ket namnamaen a mangigubway daytoy iti nalawa a panagtudo ken napigsa nga angin.
Ngem posible a pumigsa sakbay nga ag-landfall idiay Caraga Region ita a malem wenno inton rabii.
Kalpasan a maka-ballasiw ti bagyo Verbena idiay Visayas ken northern portion ti Palawan nga agturong idiay West Philippine Sea, namnamaen a pumigsa pay daytoy agingga a rumwar iti Philippine Area of Responsibility inton Huwebes, November 27.
